Жан дэ Шэль (фр.: Jehan de Chelles; родам з Шэля; памёр меркавана ў 1265 годзе, Парыж), згадваны таксама як Жан з Шэля, — французскі дойлід сярэдзіны 13 стагоддзя; кіраваў частковым узвядзеннем парыжскага сабора Нотр-Дам дэ Пары.
Жан дэ Шэль быў адным з архітэктараў Сабора Парыжскай Божай Маці ў Парыжы. Пачынаючы з 1258 года, ён узводзіў бакавыя фасады, якія прылягаюць да нефа сабора, а таксама яго паўночны і паўднёвы парталы. У 1265 годзе яго змяніў дойлід П’ер дэ Мантрой, мяркуецца, што ў сувязі з яго смерцю.
На паўднёвай частцы трансэпта ці, іншымі словамі, паўднёвым бакавым фасадзе, знадворку, ёсць таблічка з годам 1258 і імем архітэктара.
André Clément, " Deux Architectes de Notre-Dame de Paris : Jean et Pierre de Chelles “, dans Chelles, Quelques évocation de son passé, 1959, p. 29-31.
Тэмы гэтай старонкі (11):