Жан-Луі-Эрнест Месанье (фр.: Jean-Louis-Ernest Meissonier; 21 лютага 1815, Ліён — 31 студзеня 1891, Парыж) — французскі жывапісец, графік і скульптар.
Нарадзіўся ў беднай сям’і ў 1815 годзе ў Ліёне, вельмі рана праявіў рэдкую здольнасць да мастацтва. З’явіўшыся ў 19-гадовым узросце ў Парыж, развіваў свой талент капіраваннем карцін старадаўніх жывапісцаў у Луўрскай галерэі, пераважна галандскіх майстроў, і кароткі час вучыўся ў Леона Канье. Пахаваны ў Пуасі (дэпартамент Івелін), дзе быў мэрам з 1846 года.