У Вікіпедыі ёсць артыкулы пра іншых асоб з прозвішчам Мітэран. Жан-Крыстоф Мітэран (фр.: Jean-Christophe Mitterrand; нар. 19 снежня 1946) — саветнік прэзідэнта Францыі па афрыканскім справах (1986—1992 гг.), бізнесмен, журналіст, сын былога французскага прэзідэнта Франсуа Мітэрана.
Мітэран нарадзіўся ў горадзе Булонь-Біянкур ў 1946 годзе. У маладосці быў карэспандэнтам газеты Agence France Presse. Некаторы час жыў у Маўрытаніі[1].
У 1990-х гадах Жан-Крыстоф Мітэран разам з расійскім бізнэсмэнам Аркадзем Гайдамакам быў замяшаны ў скандале па гандлі зброяй у Афрыцы (Анголагейт). Паводле наяўнай інфармацыі, ён выконваў ролю пасярэдніка паміж расійскімі гандлярамі зброі і ўрадам Анголы на чале з Жазэ Эдуарду душ Сантушам, арганізуючы незаконную перавозку ўзбраення з Расіі ў Афрыку. 22 снежня 2000 года Мітэран, па асабістаму загаду магістрата Піліпа Кур’е, заключаны ў турму Сантэ ў Парыжы, адкуль выйшаў ужо 11 студзеня 2001 года[1][2]. Аднак 4 ліпеня яму было прад’яўленае новае абвінавачванне па незаконнаму абароту зброі, таксама звязанага з Анголай[3].
17 кастрычніка 2001 года супраць Жан-Крыстафа Мітэрана вылучаны новыя абвінавачванні, але ўжо па факце карупцыі[2]. Суд абклаў яго штрафам у памеры 600 000 еўра за ўхілення ад выплаты падаткаў[1].