У Вікіпедыі ёсць артыкулы пра іншых асоб з прозвішчам Сахарава. Жанна Станіславаўна Сахарава (нар. 21 лістапада 1935, пас. Кляны, Дубровенскі раён, Віцебская вобласць) — беларускі архітэктар.
Скончыла Беларускі політэхнічны інстытут у 1959 годзе. Працавала ў Краснаярску, з 1963 года — старшы архітэктар, кіраўнік групы архітэктараў, галоўны архітэктар праектаў у Белпрампраекце.
Член Саюза архітэктараў СССР з 1963 года. Пражывае ў г. Мінск.
Асноўныя працы (у аўтарскім калектыве): панчошная фабрыка ў Брэсце (1966), корпус аўтатранспартнага факультэта Беларускага політэхнічнага інстытута (1973), комплекс будынкаў электратэхнічнага завода (1986) у Мінску, комплексы «Лясное», «Таньчына» (1983).