Жазэ́ф Жак Сеза́р Жофр (фр.: Joseph Jacques Césaire Joffre; 12 студзеня 1852, Рывесальт Дэпартамента Усходнія Пірэнеі, Францыя — 3 студзеня 1931, Парыж) — французскі ваенны дзеяч, маршал Францыі з 1916, член Французскай акадэміі (1918).
Удзельнік франка-прускай вайны 1870—1871 гадоў і каланіяльных войнаў у Індакітаі і Афрыцы.
З 1910 года — член, а з 1911 года — віцэ-старшыня Вышэйшага ваеннага савета і начальнік Генштаба.
У 1911—1914 гадах — начальнік Генеральнага штаба, падчас Першай сусветнай вайны — галоўнакамандуючы, атрымаў перамогу на Марне.
У 1914—1916 гадах — галоўнакамандуючы французскай арміяй.
Са снежня 1916 года — ваенны саветнік урада.
У 1917—1918 гадах — кіраўнік французскай ваеннай місіі ў ЗША, а затым у Японіі.
Памёр 3 студзеня 1931 года ў Парыжы.