Еўра-Міжземнаморскі ўніверсітэт
Еўра-Міжземнаморскі ўніверсітэт (славенск.: Evro-sredozemska univerza) — вышэйшая навучальная ўстанова са статусам універсітэта і з сядзібай у горадзе Партарож у Славеніі.
Агульная характарыстыка
З моманту свайго заснавання ў 2008 годзе Еўра-Міжземнаморскі ўніверсітэт, адзін з прыярытэтных праектаў Міжземнаморскага саюза, стаў міжнароднай установай, якая збірае вопыт еўра-міжземнаморскіх краін, што ўносіць значны ўклад у стварэнне адзінай інтэграванай Еўра-міжземнаморскай прасторы адукацыі і навукі.
Універсітэт у асноўным ажыццяўляе ўсю сваю дзейнасць у сваёй сядзібе ў Партарожы, дзе ёсць ўмовы для некаторых відаў дзейнасці. Калі патрэбны дадатковыя памяшканні, ён арандуе іх у бліжэйшых навучальных установах.
Універсітэт з’яўляецца адным з шасці прыярытэтаў Міжземнаморскага саюза, прынятага ў рамках Сумеснай Парыжскай дэкларацыі 13 ліпеня 2008 года. Асноўная місія ўніверсітэта — спрыяць умацаванню міжкультурнага дыялогу і дасягненню мэт так званага Барселонскага працэсу, якія ў больш шырокім сэнсе з’яўляюцца часткай Міжземнаморскага саюза.
Спасылкі
На Вікісховішчы пакуль няма медыяфайлаў па тэме, але Вы можаце загрузіць іх
Катэгорыя·Універсітэты паводле алфавіта
Катэгорыя·Вікіпедыя·Артыкулы з пераазначэннем значэння з Вікідадзеных
Катэгорыя·Партарож
Катэгорыя·Універсітэты Славеніі
Катэгорыя·Навучальныя ўстановы, заснаваныя ў 2008 годзе