Енс Вайсфлог (ням.: Jens Weißflog; нар. 21 ліпеня 1964, Штайнхайдэль-Эрлабрун, Саксонія, ГДР) — нямецкі скакун з трампліна.
3-разовы алімпійскі чэмпіён (1984 — у скачках з малога трампліна, 1994 — у скачках з вялікага трампліна і ў камандзе), сярэбраны прызёр Алімпійскіх гульняў 1984 г. у скачках з вялікага трампліна, 2-разовы чэмпіён свету ў скачках са сярэдняга трампліна (1985, 1989), 4-кратны пераможца «Турнэ чатырох трамплінаў» (1984, 1985, 1991, 1996). Ён стаў першым лыжнікам, які перамог на пераднавагоднім турнэ 4 разы. 33 разы перамог на этапах Кубка свету па скачках з трампліна. Больш перамог маюць толькі Янэ Аханен (36), Адам Малыш (39), Грэгар Шлірэнцаўэр (50) і Маці Нюкянен (46).