У Вікіпедыі ёсць артыкулы пра іншых асоб з прозвішчам Хіл. Дэ́йман Грэм Дэверо́ Хіл (англ.: Damon Graham Devereux Hill; 17 верасня 1960, Хэмпстэд, Лондан, Англія) — англійскі аўтагоншчык, чэмпіён свету ў класе Формула-1 1996 года. Адзін з самых паспяховых гоншчыкаў 1990-х гадоў. Апроч тытула чэмпіёна свету, валодае званнем віцэ-чэмпіёна свету сезона 1994 і сезона 1995, а таксама званнем бронзавага прызёра сезона 1993 года. У Формуле-1 Хіл правёў 8 сезонаў, браў удзел у 122 гран-пры, стартаваў з поўла 20 разоў і выйграў 22 гонкі. Аўтар першай перамогі ў гісторыі каманды Джордан.