У Вікіпедыі ёсць артыкулы пра іншых асоб з прозвішчам Крол. Дэвід Арнольд Крол (англ.: David Croll; 12 сакавіка 1900, Магілёў[2] Магілёўскай губерні — 11 чэрвеня 1991, Канада) — канадскі палітычны дзеяч, адвакат.
Кроль Дувід Аўрум паходзіў з сям’і лекара Гілеля Міхелевіча Кроля і Міны Чарняк. З 1903 — у Канадзе.
У 1925-29 займаўся адвакацкай практыкай ва Уінсары, Антарыа, мэр горада. У 1934 абраны ў заканадаўчы орган правінцыі Антарыа. У 1934-37 міністр працы, грамадскага дабрабыту і муніцыпальных спраў у правінцыйным ўрадзе. Падчас 2-й сусветнай вайны, захоўваючы за сабой месца ў заканадаўчым органе Антарыа, служыў у канадскай арміі, палкоўнік. У 1945 абраны ў канадскі парламент. У 1955 першым з яўрэяў Канады стаў сенатарам. Удзельнічаў у дзейнасці яўрэйскай абшчыны Канады.