Дусмяніс
Ду́смяніс[1] (літ.: Dusmenys, традыцыйная беларуская назва — Дусьмяны) — вёска ў Тракайскім раёне Вільнюскага павета Літвы. Уваходзіць у склад Онушкіскай сянюніі. Размешчана на паўночна-ўсходнім беразе возера Дзіджуліс[lt]. Насельніцтва на 2001 год — 181 чалавек.
Гісторыя
Вялікае Княства Літоўскае
Першы пісьмовы ўспамін пра Дусьмяны датуецца 1493 годам. У гэты час яны ўваходзілі ў склад Троцкага павета Троцкага ваяводства.
У 1523 годзе ўпамінаецца сядзіба ў Дусьмянах.
Пад уладай Расійскай імперыі
У выніку трэцяга падзелу Рэчы Паспалітай у 1795 годзе Дусьмяны апынуліся ў складзе Расійскай імперыі, у Троцкім павеце Віленскай губерні.
На 1866 год у Дусьмянах было 22 будынкі.
Найноўшы час
Пасля польска-літоўскіх баёў і падпісання пагаднення паміж міжваеннай Польскай Рэспублікай і Літвой у 1919 годзе Дусьмяны апынуліся ў складзе Літвы. У часы Другой сусветнай вайны з чэрвеня 1941 да 1944 года мястэчка знаходзілася пад акупацыяй Трэцяга Рэйха.
Насельніцтва
- XIX стагоддзе: 1866 год — 200 чал.[2]
- XXI стагоддзе: 2001 год — 181 чал.
Славутасці
- Касцёл Святых Апосталаў Сымона і Іуды Тадэвуша (1818)
Зноскі
- ↑ Напісанне ў адпаведнасці з ТКП 187-2009 (03150) «Спосабы і правілы перадачы геаграфічных назваў і тэрмінаў Літоўскай Рэспублікі на беларускую мову»
- ↑ Wejssenhof J. Duśmiany // Słownik geograficzny… T. II. — Warszawa, 1881. S. 231.
Спасылкі
На Вікісховішчы ёсць медыяфайлы па тэме Дусмяніс
Катэгорыя·Населеныя пункты без паштовага індэкса
Катэгорыя·Вікіпедыя·Артыкулы з пераазначэннем значэння з Вікідадзеных
Катэгорыя·Населеныя пункты Тракайскага раёна
Катэгорыя·Онушкіская сянюнія
Category:%D0%A1%D1%82%D0%B0%D1%80%D0%BE%D0%BD%D0%BA%D1%96 %D0%B7 %D0%BA%D0%B0%D1%80%D1%82%D0%B0%D0%BC%D1%96
Катэгорыя·Населеныя пункты паводле алфавіта