Ду́смяніс[1] (літ.: Dusmenys, традыцыйная беларуская назва — Дусьмяны) — вёска ў Тракайскім раёне Вільнюскага павета Літвы. Уваходзіць у склад Онушкіскай сянюніі. Размешчана на паўночна-ўсходнім беразе возера Дзіджуліс[lt]. Насельніцтва на 2001 год — 181 чалавек.
Першы пісьмовы ўспамін пра Дусьмяны датуецца 1493 годам. У гэты час яны ўваходзілі ў склад Троцкага павета Троцкага ваяводства.
У 1523 годзе ўпамінаецца сядзіба ў Дусьмянах.
У выніку трэцяга падзелу Рэчы Паспалітай у 1795 годзе Дусьмяны апынуліся ў складзе Расійскай імперыі, у Троцкім павеце Віленскай губерні.
На 1866 год у Дусьмянах было 22 будынкі.
Пасля польска-літоўскіх баёў і падпісання пагаднення паміж міжваеннай Польскай Рэспублікай і Літвой у 1919 годзе Дусьмяны апынуліся ў складзе Літвы. У часы Другой сусветнай вайны з чэрвеня 1941 да 1944 года мястэчка знаходзілася пад акупацыяй Трэцяга Рэйха.