wd wp Пошук:
    ⬜

    Дом вясталак

    Дом вясталак. Усходняя частка.
    Статуі ў доме вясталак.

    Дом вясталак (італ.: casa delle Vestali, лац.: atrium Vestae) знаходзіцца побач з храмам Весты на Рымскім Форуме. Ад дома захаваўся прамавугольны атрыум, які раней апраўлялі двухпавярховыя порцікі. У порціках стаялі статуі вярхоўных жрыц Весты, некаторыя з іх дашлі да нашых дзён.

    Пры найноўшых раскопках знойдзены рэшткі храма Весты, разам з жыллём вясталак. Гэты дом знаходзіцца ля падножжа Палаціна, каля Форума. Нішто не адрознівае яго ад звычайнага рымскага дома. Першапачаткова дом прызначаўся для вялікага пантыфіка — грамадскі дом (domus publica); Аўгуст, пасля таго як сам стаў вялікім пантыфікам у 12 годзе да н.э., падарыў гэты дом вясталкам[2].

    Дом, пабудаваны цалкам з цэглы, складаецца з прамавугольнага атрыума ў 68 метраў даўжыні і 28 метраў шырыні, акружанага порцікам у 44 калоны. У атрыум выходзілі розныя памяшканні, размешчаныя ў два паверхі. Галоўным з іх быў tablinum — вялікая і раскошная прыёмная зала. Абапал яго ішлі шэсць пакояў, прызначаных, мабыць, для шасці вясталак. Пасярод атрыума бачны сляды нейкага маленькага васьмівугольнага будынка, старанна знішчанага і зраўнаванага з зямлёй; магчыма, што яго разбурылі самі вясталкі перад тым, як іх абшчына была знішчана пры імператары Феадосіі, і што менавіта гэта і было патаемное свяцілішча, у якім захоўваліся свяшчэнныя прадметы.

    У порціку стаялі статуі вялікіх вясталак, пастаўленыя рознымі тварамі, ашчасліўленымі імі; такіх статуй было знойдзена 12, з іх толькі ў трох ацалела галава. Найбольш добра захаваныя статуі знаходзяцца ў музеі тэрм, астатнія знаходзяцца на месцы. Раскопкі таксама паказалі, што дом вясталак неаднаразова перабудоўваўся ў часы Рымскай імперыі.

    Зноскі

    1. 1 2 archINFORM — 1994. Праверана 31 ліпеня 2018.
    2. ↑ Atrium_Vestae (англ.) . — в Samuel Ball Platner, Thomas Ashby. A topographical dictionary of ancient Rome.

    Спасылкі

    Тэмы гэтай старонкі (6):
    Катэгорыя·Архітэктура Старажытнага Рыма
    Category:%D0%A1%D1%82%D0%B0%D1%80%D0%BE%D0%BD%D0%BA%D1%96 %D0%B7 %D0%BA%D0%B0%D1%80%D1%82%D0%B0%D0%BC%D1%96
    Катэгорыя·Рымскі форум
    Катэгорыя·Культура Італіі
    Катэгорыя·Вікіпедыя·Шаблон «Вонкавыя спасылкі» пусты
    Катэгорыя·Вікіпедыя·Артыкулы з крыніцамі з Вікідадзеных