Дзяржаўны ордэна Працоўнага Чырвонага Сцяга акадэмічны тэатр імя Яўгена Вахтангава — маскоўскі драматычны тэатр, існуе з 1921 года. Размешчаны па адрасе: горад Масква, Арбат, дом 26. 13 лістапада 1921 гледачы, якія прыйшлі ў старадаўні арбацкі асабняк на спектакль «Цуд Святога Антонія» Марыса Метэрлінка ў пастаноўцы Я. Б. Вахтангава, сталі сведкамі нараджэння новага тэатра — Трэцяй Студыі Маскоўскага Мастацкага тэатра, пераназванай пасля, у 1926 годзе, у тэатр імя свайго заснавальніка і кіраўніка — Яўгена Вахтангава. Пры тэатры працуе Тэатральны інстытут імя Барыса Шчукіна.