У Вікіпедыі ёсць артыкулы пра іншых асоб з прозвішчам Гулецкі. Дзмітрый Уладзіміравіч Гулецкі (нар. 29 сакавіка 1981) — сучасны беларускі даследчык нумізматыкі і матэрыяльнай культуры. Актыўна займаецца нумізматычнымі даследаваннямі з 2005 года. Дэлегат ад Беларусі на нумізматычных канферэнцыях у Раўбічах, Беластоку і Вільні ў 2005—2007 гадах.
Друкаваў працы па нумізматыцы ў «Банкаўскім весніку» (Мінск), «Svensk Numismatisk Tidskrift» (Стакгольм), «Bialoruskie Zeszyty Historyczne» (Беласток), «Numizmatika» (Вільнюс), газетах «Беларус» (Нью-Ёрк) і «Советская Белоруссия» (Мінск).