wd wp Пошук: ⬜

Дзмітрый Малахавіч Цырубін

Дзмітрый Малахавіч Цырубін (2(15).5.1916, вёска Цітаўка, Клімавіцкі раён, Магілёўская вобласць — 6 сакавіка 1996) — Герой Савецкага Саюза (1945).

Біяграфія

З сялян. Скончыў 8 класаў, Магілёўскую саўпартшколу (1935), Вышэйшыя афіцэрскія бранятанкавыя курсы (1942), працаваў рахункаводам-касірам у саўгасе. У Чырвонай Арміi з 1937 года. Удзельнік савецка-фінскай вайны, вызваленчага паходу ў Бесарабію ў 1940 годзе. У 1941 г. скончыў Ваенна-палітычнае вучылішча ў Адэсе.

У Айчынную вайну на фронце з 1941 года, гвардыі маёр - камандзір танкавага батальёна 15 гв.танкавай Рэчыцкай Чырванасцяжнай ордэна Суворава брыгады. Удзельнік Бабруйскай i Мінскай аперацый 1944 года, вызвалення Польшчы. Вызначыўся ў баі за плацдарм на р. Нараў у верасні 1944 года. Танкавы батальён пад камандаваннем Цырубіна Д.М. адзін з першых фарсіраваў раку, 5.9.1944 года на плацдарме адбіў контратаку i, прыследуючы праціўніка, знішчыў 4 танкі i да 120 аўтаматчыкаў. Цырубін асабіста знішчыў 2 процітанкавых гарматы.

З 1956 года палкоўнік Цырубін у запасе.

Зноскі

Літаратура

Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 2003. — Т. 17: Хвінявічы — Шчытні. — 512 с. — 10 000 экз. — ISBN 985-11-0279-2 (т. 17), ISBN 985-11-0035-8.