Джэй Мантгомеры Гарнер (англ.: Jay Montgomery Garner; 15 красавіка 1938) — адстаўны генерал арміі ЗША, першы кіраўнік амерыканскай акупацыйнай адміністрацыі Ірака.
Нарадзіўся 15 красавіка 1938 года ў горадзе Аркадзіі, штат Фларыда. З 1962 года на службе ў арміі. Быў удзельнікам В’етнамскай вайны і вайны ў Персідскім заліве. У 1997 годзе пайшоў у адстаўку ў чыне генерал-лейтэнанта. У сакавіку 2003 года пасля ўварвання амерыканскіх войскаў у Ірак стаў першым кіраўніком амерыканскай акупацыйнай адміністрацыі. 11 мая на гэтай пасадзе яго змяніў Пол Брэмер.