Джэйш аль-Рашыдын (араб. جيش الراشدين, бел.: Армія правадыроў) — іракская суніцкая паўстанцкая групоўка, якая ўдзельнічала ў шматлікіх партызанскіх акцыях супраць кааліцыйных сіл на чале з ЗША.
Была актыўна ў 2003—2008 і 2013—2017 гадах.
Групоўка створана ў першыя дні акупацыі Іраку, пачаўшы збіраць зброю з пакінутых ваенных лагераў іракскай арміі ў прыгарадах Багдаду. Батальёны «Джэйш аль-Рашыдын« дыслакаваліся ў розных частках краіны, у тым ліку ў паўночных і паўднёвых правінцыях. У склад арганізацыі ўвайшлі былыя вайскоўцы арміі Садама Хусейна, байцы Рэспубліканскай гвардыі і Федаін Садам[2].
У верасні 2007 года яна ўвайшла у скад кааліцыі «Фронт джыхаду і рэформаў».