Джэйн Уайман (англ.: Jane Wyman; 5 студзеня 1917 — 10 верасня 2007) — амерыканская актрыса , лаўрэат прэміі «Оскар» за лепшую жаночую ролю ў фільме «Джоні Белінда» (1948). Яе кар’ера пачалася ў 30-х і паспяхова працягвалася на працягу двух дзесяцігоддзяў. На больш познім этапе яна стала здымацца на тэлебачанні.
Джэйн Уайман таксама была першай жонкай Рональда Рэйгана. Яна выйшла за яго замуж у 1940 годзе і развялася ў 1948, задоўга да таго, як ён стаў прэзідэнтам ці стаў займаць якое-небудзь становішча ў палітыцы.