Джэймс Рой Хорнер (англ.: James Roy Horner, 14 жніўня 1953, Лос-Анджэлес, ЗША — 22 чэрвеня 2015, штат Каліфорнія, ЗША) — амерыканскі кінакампазітар. Лаўрэат двух прэмій «Оскар» 1998 года за музыку і песню для фільма «Тытанік».
Аўтар музыкі да фільмаў «Сорак восем гадзін», «Крул», «Каманда», «Чужыя», «Легенды восені», «Балта», «Джуманджы», «Апалон-13», «Каспер», «Мужнае сэрца», «Тытанік», «Маска Зора», «Сутыкненне з безданню», «Двухсотгадовы чалавек», «Ідэальны шторм», «Гульні розуму», «Вораг ля варотаў», «Чатыры пяры», «Забытае», «Троя», «Апакаліпсіс», «Хлопчык у паласатай піжаме», «Аватар», «Новы Чалавек-павук», «Ляўша» і многіх іншых. Яго музыка вылучаецца частым выкарыстаннем электронных і харавых элементаў, а таксама дабаўленнем кельцкіх матываў[8].