У Вікіпедыі ёсць артыкулы пра іншых асоб з прозвішчам Дыверс. Джэйкаб Лукс Дыверс (англ.: Jacob Loucks Devers; 8 верасня 1887, Ёрк, штат Пенсільванія-15 кастрычніка 1979) — амерыканскі генерал (1945).
Скончыў Ваеннае вучылішча ва Уэст-Пойнце (1909), служыў у артылерыі, з 1930 годзе ў танкавых войсках. Скончыў Армейскі ваенны каледж (1939). У 1939—1940 гадах начальнік штаба абарончай зоны Панамскага канала, у 1941—1942 гадах начальнік бранятанкавых войскаў ЗША. З мая 1943 года галоўнакамандуючы амерыканскімі войскамі ў Еўропе, у 1944 годзе намеснік вярхоўнага галоўнакамандуючага на Міжземнаморскім тэатры ваенных дзеянняў. З жніўня 1944 года камандуючы Паўднёвай групай амерыканска-французскіх войскаў (у Паўднёвай Францыі), аб’яднаных пазней у 6-ю групу армій. У 1945—1949 гадах камандуючы сухапутнымі войскамі ЗША. З верасня 1949 года ў адстаўцы.