У Вікіпедыі ёсць артыкулы пра іншых асоб з прозвішчам Андэрсан. Джыліян Лі Андэрсан (англ.: Gillian Leigh Anderson; нар. 9 жніўня 1968, Чыкага, Ілінойс, ЗША) — амерыкана-брытанская актрыса тэатра, кіно і тэлебачання, актывістка і пісьменніца. Найбольш вядомая як выканаўца ролі агента ФБР Даны Скалі ў прызнаным крытыкамі тэлевізійным серыяле «Сакрэтныя матэрыялы», дзе грала ўсе 11 сезонаў, і ў двух поўнаметражных фільмах: «Сакрэтныя матэрыялы: Барацьба за будучыню» (1998) і «Сакрэтныя матэрыялы: хачу верыць» (2008), а таксама роляў Лілі Барт у фільме Тэрэнса Дэвіса «Дом Радасці» (2000) і лэдзі Дэдлак у тэлесерыяле вытворчасці BBC па творы Чарльза Дзікенса — «Халодны дом» (2005). Таксама Андэрсан вядомая дзякуючы ролям у драмах «Магутны кельт» (2005), «Апошні кароль Шатландыі» (2006), «Таемны гулец» (2012) і «Сястра» (2012).