wd wp Пошук:

Джорджа Марандзі

У Вікіпедыі ёсць артыкулы пра іншых асоб з прозвішчам Марандзі.

Джорджа Марандзі (італ.: Giorgio Morandi; 20 ліпеня 1890, Балоння — 18 чэрвеня 1964, Балоння) — італьянскі жывапісец і графік.

У 1930-я гады да Джорджа Марандзі прыходзіць першае прызнанне. Спачатку як да графіка: поспехі папярэдняга дзесяцігоддзя ў галіне афорта дазволілі яму ў 1930 годзе ўзначаліць кафедру тэхнікі гравюры ў Балонскай Акадэміі мастацтваў (займаў кафедру да 1956 года). У 1932 годзе Марандзі ўдзельнічае ў Першай выстаўцы сучаснай італьянскай гравюры ў Фларэнцыі, і тады ж часопіс «L’italiano» прысвячае яму спецыяльны нумар з артыкулам Ардэнга Сафічы, па хадайніцтве якога ў 1938 годзе Марандзі становіцца членам-карэспандэнтам фларэнтыйскай Акадэміі вытанчаных мастацтваў. Паступова і яго жывапіс становіцца прыкметнай з’явай у італьянскім мастацтве: з 1931 года работы Марандзі прадстаўлены на самай прэстыжнай нацыянальнай выстаўцы — Рымскай квадрыенале, у 1939 годзе мастак удастоіўся гонару паказаць 42 свае карціны ў асобнай зале ІІІ Рымскай квадрыенале.

У сярэдзіне 1930-х яго жывапіс атрымаў высокую ацэнку з боку вядомага гісторыка мастацтва Раберта Лонгі і буйнога калекцыянера, крытыка і прадпрымальніка Ламберта Віталі (1896—1992), з якімі Джорджа Марандзі пасля звязала шматгадовае сяброўства. У гады Другой сусветнай вайны дзякуючы дапамозе Лонгі мастака ўдалося вызваліць з балонскай турмы, а пазней падтрымаць яго арганізацыяй персанальнай выстаўкі ў фларэнтыйскай галерэі «Іль Фіёра», якая адкрылася 25 красавіка 1945 года, у дзень вызвалення Балонні саюзнікамі. Віталі стаў не толькі адным з найбуйнейшых калекцыянераў твораў Марандзі (самыя каштоўныя з якіх пакінуў міланскай Пінакатэцы Брэра), але і аўтарам прыжыццёвага каталога яго графікі (1957) і пасмяротнага зводнага каталога твораў мастака (1977).

Зноскі

  1. 1 2 Bibliothèque nationale de France data.bnf.fr: платформа адкрытых даных — 2011. Праверана 10 кастрычніка 2015.
  2. 1 2 Giorgio Morandi
  3. 1 2 3 4 RKDartists
  4. https://web.archive.org/web/20150906004523/http://www.storiaememoriadibologna.it/certosa
  5. LIBRIS — 2012. Праверана 24 жніўня 2018.
  6. Museum of Modern Art online collection Праверана 4 снежня 2019.
  7. 1 2 https://artuk.org/discover/artists/morandi-giorgio-18901964
Тэмы гэтай старонкі (15):
Катэгорыя·Нарадзіліся ў Балонні
Катэгорыя·Выкладчыкі Балонскага ўніверсітэта
Катэгорыя·Мастакі Італіі XX стагоддзя
Катэгорыя·Нарадзіліся 20 ліпеня
Катэгорыя·Памерлі ў 1964 годзе
Катэгорыя·Памерлі 18 чэрвеня
Катэгорыя·Вікіпедыя·Артыкулы з крыніцамі з Вікідадзеных
Катэгорыя·Нарадзіліся ў 1890 годзе
Катэгорыя·Графікі Італіі
Катэгорыя·Гравёры Італіі
Катэгорыя·Майстры нацюрморта Італіі
Катэгорыя·Памерлі ў Балонні
Катэгорыя·Пахаваныя на могілках Чэртоза
Катэгорыя·Асобы
Катэгорыя·Мастакі паводле алфавіта