wd wp Пошук:

Данііл Ільіч Астраў

Данііл Ільіч Астраў (руск.: Даниил Ильич Астров; нар. 1904, г. Магілёў — 1941) — беларускі дзяржаўны дзеяч.

Біяграфія

Нарадзіўся ў 1904 годзе ў г. Магілёве ў сям’і краўца. У 1924 годзе скончыў прафтэхшколу абутнікоў, атрымаў спецыяльнасць нарыхтоўшчыка абутку, але практычна па гэтай спецыяльнасці не працаваў. Вучачыся ў прафтэхшколе, быў актывістам камсамольскай ячэйкі, іграў у духавым аркестры, пасля заканчэння яе ў 1924—1925 гадах працаваў у гаркаме камсамола эканомработнікам. У 1925 годзе стаў членам УКП(б)[1].

У 1926—1929 гг. кіраваў саюзным домам адпачынку ў г. Магілёве. Калі ў Магілёве пачалі будаваць фабрыку штучнага валакна і трэба было рыхтаваць кадры для працы на гэтым прадпрыемстве, ён быў накіраваны на курсы майстроў па штучным валакне ў г. Мыцішчы Маскоўскай вобласці, дзе навучаўся з лістапада 1929 г. па ліпень 1930 г. Пасля заканчэння курсаў у 1930—1933 гг. працаваў майстрам віскознага склепа хімічнага цэха, затым камерцыйным дырэктарам, загадчыкам АРЗ на фабрыцы штучнага валакна[1].

З 1934 па 1937 год працаваў кіраўніком Белхарчгандлю, а на працягу года, з канца 1937 па канец 1938 года — намеснікам старшыні гарвыканкама, з канца 1938 года па ліпень 1941 года — старшынёй Магілёўскага гарвыканкама, быў дэпутатам гарадскога і абласнога Саветаў, удзельнічаў у працы XVII усесаюзнай партыйнай канферэнцыі[1].

У 1939—1940 гг. сур’ёзна хварэў, лячыўся ў Маскве, нейкі час не працаваў[1]. Па стане здароўя медкамісіяй пры Магілёўскім гарваенкамаце бацька быў прызнаны непрыдатным у мірнае і абмежавана прыдатным у ваенны час. Ён быў палітруком запасу III чаргі. З пачаткам Вялікай Айчыннай вайны яму было даручана забяспечваць насельніцтва і вайсковыя падраздзяленні харчам, медыцынскім абслугоўваннем. Ён адказваў за арганізацыю эвакуацыі прадпрыемстваў, матэрыяльных каштоўнасцяў і насельніцтва[1].

На Яўрэйскіх могілках Магілёва яму пастаўлены кенатаф[2]. Побач пахаваная жонка[3].

Сям’я

У шлюбе з Бэлай Давыдаўнай (1906—1988)[3] меў двух дочак. Дачка Фаіна Данілаўна Астрава (нар. 1932) у 1995 рэпатрыявалася ў Ізраіль, жыла ў Кір’ят-Шмане[1].

Зноскі

  1. 1 2 3 4 5 6 Краткие биографические сведения и мои воспоминания
  2. Еврейскому кладбищу в Могилеве присвоен статус историко-мемориального места 09.10.19 Галина Хитрикова(недаступная спасылка)
  3. 1 2 Захоронения. г. Могилев. Астров Даниил Ильич 1904-1941
Тэмы гэтай старонкі (16):
Катэгорыя·Члены КПСС
Катэгорыя·Дэпутаты Магілёўскага гарадскога Савета дэпутатаў
Катэгорыя·Нарадзіліся ў Магілёве
Катэгорыя·Старшыні Магілёўскага гарадскога выканаўчага камітэта
Катэгорыя·Вікіпедыя·Шаблон «Вонкавыя спасылкі» пусты
Катэгорыя·Загінулі ў Другой сусветнай вайне
Катэгорыя·Вікіпедыя·Артыкулы пра асоб, для якіх не існуюць старонкі віду «І. Іпб. Прозвішча»
Катэгорыя·Вікіпедыя·Артыкулы пра асоб, для якіх не існуюць старонкі віду «І. Прозвішча»
Катэгорыя·Пахаваныя на Яўрэйскіх могілках (Магілёў)
Катэгорыя·Дэпутаты Магілёўскага абласнога Савета дэпутатаў
Катэгорыя·Вікіпедыя·Артыкулы пра дзяржаўных дзеячаў без ілюстрацый на Вікісховішчы
Катэгорыя·Асобы
Катэгорыя·Памерлі ў 1941 годзе
Катэгорыя·Нарадзіліся ў 1904 годзе
Катэгорыя·Вікіпедыя·Артыкулы з непрацоўнымі спасылкамі
Катэгорыя·Вікіпедыя·Артыкулы пра асоб, для якіх не існуюць старонкі віду «Імя Прозвішча»