«Гісторыя пад знакам Пагоні» — цыкл праграм, прысвечаны гісторыі Беларусі і які трансляваўся на «Белсаце» з 2009 года да 2015 года. У праграмах Уладзімір Арлоў разам з Алесем Краўцэвічам, які таксама з’яўляўся экспертам гэтых праграм[1], разбіраюць розныя тэмы з гісторыі Беларусі ў даволі простай форме і ў сціслым фармаце (каля 10 хвілін). Праграмы выходзілі штотыдзень. Мэтай гэтай серыі праграм было паказаць беларускую гісторыю як «захапляльную вандроўку», такім чынам прыцягнуўшы ўвагу беларусаў да яе.