Гілю́й (руск.: Гилю́й) — рака ў Амурскай вобласці Расіі, правы прыток ракі Зея (басейн Амура).
Даўжыня ракі 545 км. Плошча вадазборнага басейна 22 500 км². Бярэ пачатак на паўднёвых схілах Станавога хрыбта, цячэ на паўднёвы ўсход сярод ліставой тайгі, упадае ў Зейскае вадасховішча. У басейне звыш 400 азёр агульнай плошчай 26,8 км², сустракаюцца наледзі. Галоўныя прытокі: Могат, Тында — справа.