wd wp Пошук: ⬜

Гранітэкс

ААТ «Гранітэкс» — беларуская кампанія па вытворчасці пражы і нітак, якая размешчана ў Гродна. З’яўляецца адным з вядучых у Рэспубліцы Беларусь вытворцаў грэбэннай і кардннай пражы, як аваўнянай, так і змяшанай, а таксама баваўняных арміраваных швейных нітак, шырокага спектру лінейных шчыльнасцяў. З 2000 года арганізавана вытворчасць катанізіраванага льнянога валакна розных ступеняў ачысткі.[1][2][3]

Гісторыя

У кастрычніку 1963 года пачалося будаўніцтва бавоўнапрадзільнай фабрыкі. Увосень былі зроблены выбуховыя работы для стварэння катлавана і пакладзены пачатак закладцы падмурка.

Загадам Міністэрства лёгкай прамысловасці БССР № 231 ад 10 чэрвеня 1967 года бавоўнапрадзільная фабрыка была ўведзена ў эксплуатацыю. У год пуску фабрыкай было выраблена 3340 тон пражы.

З 1 сакавіка 1973 года загадам МЛП БССР на базе бавоўнапрадзільнай фабрыкі і нітачнай фабрыкі, якая будуецца, створаны прадзільна-нітачны камбінат.

Загадам Міністэрства лёгкай прамысловасці БССР № 327 ад 2 снежня 1980 года Гродзенскі прадзільна-нітачны камбінат імя XXV з’езда КПСС быў перайменаваны ў Гродзенскае вытворчае прадзільна-нітачнае аб’яднанне.

У жніўні 2000 года аб’яднанне было пераназвана ў Гродзенскае рэспубліканскае унітарнае вытворчае прадпрыемства «Гранітэкс».

24 снежня 2008 года было створана адкрытае акцыянернае таварыства «Гранітэкс» шляхам пераўтварэння Гродзенскага рэспубліканскага унітарнага вытворчага прадпрыемства «Гранітэкс».

Зноскі

↑ ААТ «Гранітэкс» (нявызн.). СЭЗ «Гроднаінвест». Праверана 16 лютага 2019.
↑ Аляксандр Шумілін сустрэўся з працоўным калектывам ААТ «Гранітэкс» (нявызн.) (недаступная спасылка). Дзяржаўны камітэт па навуцы і тэхналогіях Рэспублікі Беларусь (23 лістапада 2018). Архівавана з першакрыніцы 2 снежня 2018. Праверана 16 лютага 2019.
↑ Кіраўнік Белтэлерадыёкампаніі наведаў «Гранітэкс» і пагутарыў з працоўным калектывам прадпрыемства (нявызн.). Белтэлерадыёкампанія (19 Красавіка 2018). Праверана 16 лютага 2019.

Спасылкі

На Вікісховішчы пакуль няма медыяфайлаў па тэме, але Вы можаце загрузіць іх
www.gronitex.by/ — афіцыйны сайт «Гранітэкс»