«Голос України» («Голас Украіны») — украінская газета, афіцыйны друкаваны орган Вярхоўнай рады Украіны. Выходзіць з 1 студзеня 1991 года пяць разоў на тыдзень.
Паводле Закона Украіны «Аб парадку асвятлення дзейнасці органаў дзяржаўнай улады і органаў мясцовага самакіравання ва Украіне сродкамі масавай інфармацыі» ў газеце публікуюцца законы Украіны, пастановы Вярхоўнай рады Украіны, пастановы і распараджэнні Кабінета Міністраў Украіны, пастановы Вярхоўнага Суда і Канстытуцыйнага Суда Украіны, рашэнні органаў мясцовага самакіравання, іншыя нарматыўна-прававыя акты.