Глен Мэтлак (англ.: Glen Matlock; нар. 27 жніўня 1956 г., Лондан, Англія) — брытанскі бас-гітарыст, найбольш вядомы ў якасці ўдзельніка арыгінальнага складу панк-гурта Sex Pistols. Бубнач гурта Пол Кук заявіў, што Мэтлак напісаў значную частку музыкі і большасць тэкстаў, у той час як вакаліст Джон Лайдан зрабіў некаторыя іх карэкціроўкі. Афіцыйна Мэтлаку прылічанае суаўтарства 10 з 12 песень на альбоме Never Mind the Bollocks, Here’s the Sex Pistols. Ён таксама працягвае пісаць сваю ўласную музыку і праводзіць турнэ з рознымі гуртамі, у тым ліку і з Sex Pistols. Ён публічна выступіў супраць Brexit.[4]