wd wp Пошук: ⬜

Глейнікі

Гле́йнік (Rhantus) — род жукоў падсямейства Colymbetinae сямейства Плывунцы (Dytiscidae). Галарктычны род, налічваючы 82[1] (каля 100[2]) відаў.

Апісанне

Цела жукоў авальнае, пукатае зверху, даўжынёй 8,5—16[3] (10—11[2]) мм. Колер іржава-жоўты, з мноствам дробных чорных кропак. Заднія ногі доўгія, пляскатыя, пярэднія і сярэднія — карацейшыя. Лётныя крылы добра развітыя, празрыстыя або дымчатага колеру.

Распаўсюджанне і экалогія

Глейнікі распаўсюджаны на тэрыторыі Еўразіі і Паўночнай Амерыкі, у тым ліку ў арктычнай зоне. Жывуць у мелкаводных непраточных вадаёмах, лужынах. Зімуюць у дарослым стане. Драпежнікі. Кормяцца воднымі і трапіўшымі ў ваду наземнымі беспазваночнымі і іх рэшткамі. Лічынкі глейнікаў кормяцца выключна жывымі беспазваночнымі.

Некаторыя віды

Rhantus notatus Fabricius, 1781 — Глейнік плямагруды
Rhantus suturellus Harris, 1828 — Глейнік чарнабрухі
Rhantus exoletus Forster, 1771 — Глейнік жаўтабрухі
Rhantus advena Sharp, 1882
Rhantus frontalis Marsham, 1802

Зноскі

↑ Энцыклапедыя прыроды Беларусі. У 5-і т. Т. 2. Гатня — Катынь / Рэдкал. І. П. Шамякін (гал. рэд.) і інш. — Мн.: БелСЭ ім. Петруся Броўкі, 1983. — 522 с. — 10 000 экз.
1 2 Ильник — род Rhantus // Экологический центр «Экосистема»™(руск.)
↑ Genus Rhantus // BugGuide.Net(англ.)

Літаратура

Энцыклапедыя прыроды Беларусі. У 5-і т. Т. 2. Гатня — Катынь / Рэдкал. І. П. Шамякін (гал. рэд.) і інш. — Мн.: БелСЭ ім. Петруся Броўкі, 1983. — 522 с. — 10 000 экз. — С. 77.

Спасылкі