У Вікіпедыі ёсць артыкулы пра іншых асоб з прозвішчам Іваноў. Глеб Анатольевіч Іваноў (нар. 2 мая 1963, Віцебск) — беларускі палітык.
Скончыў Віцебскі тэхналагічны інстытут лёгкай прамысловасці (інжынер-механік), Акадэмію Міністэрства ўнутраных спраў Рэспублікі Беларусь (юрыст). Працоўную дзейнасць пачаў інжынерам-тэхнолагам завода заточных станкоў у горадзе Віцебску. Служыў у радах Узброеных Сіл. Працаваў у органах унутраных спраў Рэспублікі Беларусь, органах Дзяржаўнага камітэта фінансавых расследаванняў Рэспублікі Беларусь.
Выбіраўся дэпутатам Палаты прадстаўнікоў Нацыянальнага сходу Рэспублікі Беларусь другога і трэцяга скліканняў[1].
Узнагароджаны Ганаровай граматай Нацыянальнага сходу Рэспублікі Беларусь[2].