Герб Радуні — герб гарадскога пасёлка Радунь Воранаўскага раёна. Герб і сцяг зацверджаны Указам Прэзідэнта Рэспублікі Беларусь ад 14 чэрвеня 2007 г. № 279.
Гістарычны герб пацверджаны гораду каралём польскім і вялікім князем літоўскім С. А. Панятоўскім 23 чэрвеня 1792: «у сярэбраным полі чырвоны рак»[1].
Сучасны герб уяўляе сабой барочны шчыт, у сярэбраным полі якога намаляваны рак чырвонага колеру[2]. У герб Радуні закладзены адзін найбольш распаўсюджаных у геральдыцы гербавых сюжэтаў — ідэя прыроднага багацця ў агульнадаступнай для ўсіх форме адлюстравання[3].