wd wp Пошук: ⬜

Геранім Ян Валовіч

У Вікіпедыі ёсць артыкулы пра іншых асоб з прозвішчам Валовіч. Геранім Ян Валовіч — ураднік Вялікага Княства Літоўскага.

Біяграфія

Паходзіў са шляхецкага роду Валовічаў герба «Багорыя». Нарадзіўся ў сям’і Антонія (нар. 1691) і Багумілы Таўрыловіч.

Удзельнік сойма 1754 года, старосціч калачэўскі ў 1759—1776 гг., староста азярцоўскі ў 1777 г.

Прадаў з братам Лявонам ў 1759 г. маёнтак Хмельніца: двор Хмельніца з вёскамі Хмельніца Правая, Хмельніца Крывая і Зарэчча за 76 тыс. злотых польскіх Юзафу Прашынскаму, крайчаму Менскага ваяводства. У Жамойцкім княстве ў Паюрскім павеце валодаў з братам маёнткам Шытэлі.

Сям’я

У шлюбе з Анэляй з Краеўскіх. Дзеці:

• Антаніна, у шлюбе з Квяткоўскім, крамянецкім земскім суддзёй;
• Міхал, памёр нежанаты;
• Лукаш, у шлюбе з дачкой гарадзенскага маршалка Юзафа Юр’евіча Валовіча;
• Адам, па ім нашчадкі ў XIX ст.;
• Ян, нарадзіўся 31 кастрычніка 1778 r., барысаўскі межавы суддзя. Пакінуў нашчадкаў.
• Тамаш (памёр 31 жніуня 1839 г.). У першым шлюбе з Казімірай Юзафаўна Валовіч, пасля разводу з Юзафам Калясантыем Валовічам, у другім — з Кацярынай Асяцімскай. Пакініуў нашчадкаў з другой жонкай.

Зноскі

1. ↑ (unspecified title) Праверана 10 чэрвеня 2022.

Літаратура

• 20/16. Геранім Ян // Валовічы ў гісторыі Вялікага княства Літоўскага XV―XVIII стст. / Цэнтр генеалагічных даследаванняў, Музей “Замкавы комплекс “Мір” ; [складальнік А. М. Янушкевіч ; навуковы рэдактар А. І. Шаланда]. — Мінск: Медысонт, 2014. — 506 с. — 500 экз. — ISBN 978-985-7085-36-1.

Тэмы гэтай старонкі (7):
Катэгорыя·Род Валовічаў
Катэгорыя·Асобы
Катэгорыя·Вікіпедыя·Артыкулы з крыніцамі з Вікідадзеных
Катэгорыя·Валовічы
Катэгорыя·Вікіпедыя·Артыкулы пра дзяржаўных дзеячаў без ілюстрацый на Вікісховішчы
Катэгорыя·Вікіпедыя·Шаблон «Вонкавыя спасылкі» пусты
Катэгорыя·Вікіпедыя·Ізаляваныя артыкулы/сірата0