У Вікіпедыі ёсць артыкулы пра іншых асоб з прозвішчам Таўбэ.
Генры Таўбэ (англ.: Henry Taube; 30 лістапада 1915, Ньюдарф, Саскачэван, Канада — 16 лістапада 2005, Пала-Альта, Каліфорнія, ЗША) — амерыканскі хімік канадскага паходжання. Займаўся механізмам электроннага пераносу ў акісляльна-аднаўленчых рэакцыях. Лаўрэат Нобелеўскай прэміі па хіміі 1983 «за вывучэнне механізмаў рэакцый з пераносам электрона, асабліва комплексаў металаў».
Генры Таўбэ нарадзіўся ў Ньюдарфе (правінцыя Саскачэван, Канада) 30 лістапада 1915 года. У 1935 годзе скончыў Саскачэванскі ўніверсітэт. У 1940 годзе абараніў дысертацыю ў Каліфарнійскім універсітэце ў Берклі, затым працаваў у Карнельскім універсітэце. З 1946 па 1961 год выкладаў у Чыкагскім універсітэце. З 1962 года быў прафесарам хіміі Стэнфардскага ўніверсітэта.