Генры Брыгс (англ.: Henry Briggs; люты 1561, Уорлейвуд, Ёркшыр — 26 студзеня 1630, Оксфард) — англійскі матэматык.
Прафесар матэматыкі ў Грэшэм-каледжы (Лондан), затым у Оксфардзе.
Развіваючы ідэі Джона Непера, склаў і апублікаваў першыя табліцы дзесятковых лагарыфмаў: 1617 — 8-значныя, 1624 — 14-значныя. За гэту працу ў Англіі адзін час нават называлі дзесятковыя лагарыфмы брыгсавымі. У 1633 годзе таксама выдаў табліцы дзесятковых лагарыфмаў трыганаметрычных функцый.