Генрых Ігнат Франц фон Бібер (ням.: Heinrich Ignaz Franz von Biber, 12 жніўня 1644, Вартэнберг, цяпер Чэхія — 3 мая 1704, Зальцбург) — аўстрыйскі кампазітар і скрыпач родам з Багеміі.
Вучыўся ў Іагана Генрыха Шмельцэра. У 1660-х гадах — музыкант на службе ў князя-біскупа Аламаўцкага. Каля 1670 г. паступіў у прыдворную капэлу Зальцбурга, з 1684 г. — капельмайстар. Скрыпач-віртуоз, што адбілася ў яго скрыпічных санатах, дзе сустракаюцца цяжкія пасажы, выкарыстаная скардатура — змена звычайнай наладкі струн і г. д.