Генадзь Іванавіч Нарскін (нар. 17 лістапада 1952, Ліда, Гродзенская вобласць) — беларуск педагог, спецыяліст у галіне тэорыі і методыкі фізічнага выхавання, спартыўнай трэніроўкі, аздараўленчай і адаптыўнай фізічнай культуры. Доктар педагагічных навук (2004), прафесар (2004).
Скончыў Гомельскі дзяржаўны ўніверсітэт (1974).
Працуе ў Гомельскім дзяржаўным універсітэце імя Ф. Скарыны (з 1974, факультэт фізічнай культуры, кафедра тэорыі і методыкі фізічнай культуры, прафесар, з 2017 — загадчык кафедры і з 2002 — навуковы кіраўнік НДЛ алімпійскіх відаў спорту, у 2000—2017 — дэкан).
Навуковыя інтарэсы: спартыўная трэніроўка высокакваліфікаваных спартсменаў; аздараўленчая фізічная культура.
Званне «Заслужаны работнік фізічнай культуры і спорту Рэспублікі Беларусь» (2000) і інш.