wd wp Пошук: ⬜

Гданьскі медыцынскі ўніверсітэт

Гданьскі медыцынскі ўніверсітэт (польск.: Gdański Uniwersytet Medyczny) — польская дзяржаўная вышэйшая навучальная ўстанова са статусам універсітэта і спецыялізацыяй у сферы медыцынскіх навук, якая знаходзіцца ў Гданьску.

Гісторыя

Вытокі ўніверсітэта сягаюць XV стагоддзя, пачынаючы з паўстання ў 1454 годзе цэха хірургаў Гданьска і медыцынскага навучання ў Гданьскай акадэмічнай гімназіі (лац.: Atheneum Gedanense).

У 1908-1911 гадах была створана Гданьская гарадская бальніца. На яе базе ў 1935 годзе улады Вольнага горада Гданьска вырашылі арганізаваць Акадэмію практычнай медыцыны (ням.: Die Staatliche Akademie für Praktische Medizin zu Danzig). Пасля 1945 года вучэльня была перайменавана ў медыцынскую акадэмію. З 1950 года па 19 мая 2009 года яна функцыянавала як Медыцынская акадэмія ў Гданьску.

У 2003 годзе ў структуру медыцынскай акадэміі ў Гданьску уключаны кафедры Інстытута марской і трапічнай медыцыны ў Гдыні, створанага ў 1935 годзе як філіял Дзяржаўнага інстытута гігіены і ператвораны ў 1938 годзе ў Інстытут марской медыцыны.

Да структуры ўніверсітэта ўваходзяць две лячэбныя ўстановы: Універсітэцкі клінічны цэнтр (разам з пляцоўкай для пасадкі санітарных верталётаў на даху), які ў цяперашні час з’яўляецца найбуйнейшай бальніцай у Польшчы, і Універсітэцкі стаматалагічны цэнтр.

Па колькасці навучэнцаў універсітэт уваходзіць у тройку буйнейшых у Польшчы.

Структура

Лячэбны факультэт
Фармацэўтычны факультэт
Факультэт навук аб здароў’і
Факультэт біятэхналогій (сумесны з Гданьскім універсітэтам)

Спасылкі

На Вікісховішчы ёсць медыяфайлы па тэме Гданьскі медыцынскі ўніверсітэт
Афіцыйная інтэрнэт-старонка ўніверсітэта