wd wp Пошук: ⬜

Гафур Гулям

Гафу́р Гуля́м (узб.: Ғафур Ғулом; 10 мая 1903, Ташкент — 10 ліпеня 1966) — узбекскі пісьменнік. Народны паэт Узбекістана (1963). Акадэмік АН Узбекістана (1943).

Творчасць

Друкаваўся з 1923. У творах крытыкаваў перажыткі мінулага ў свядомасці і побыце людзей, сцвярджаў новую савецкую рэчаіснасць. Аўтар зборнікаў вершаў «Дынама» (1931), «Іду з Усходу» (1943), «Агні Узбекістана» (1947), «Шчасце роднай зямлі» (1951), «Вынік» (апубл. 1967), кніг прозы «Гумарыстычныя апавяданні» (1931), «Хітрыкі шарыяту» (1953) і інш.

Прэміі і ўзнагароды

Дзяржазная прэмія СССР (1946)
Ленінская прэмія (1970)

Беларускія пераклады

На беларускую мову творы Гафура Гуляма перакладалі Э. Агняцвет, А. Астрэйка, С. Гаўрусёў і інш. Яны ўвайшлі ў зборнікі «Спявае Узбекістан» (1962), «Сонца ў арыках» (1966), «Вясёлка над арыкам» (1986).

Зноскі

1 2 Гафур Гулям / под ред. А. М. Прохорова — 3-е изд. — М.: Советская энциклопедия, 1969. Праверана 28 верасня 2015.
↑ Гафур Гулям / под ред. А. М. Прохорова — 3-е изд. — М.: Советская энциклопедия, 1969. Праверана 27 верасня 2015.

Літаратура

Гафур Гулям // Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 1997. — Т. 5: Гальцы — Дагон. — 576 с. — 10 000 экз. — ISBN 985-11-0090-0 (т. 5), ISBN 985-11-0035-8.