У Вікіпедыі ёсць артыкулы пра іншых асоб з прозвішчам Стэнтан.
Гары Дын Стэнтан (англ.: Harry Dean Stanton; 1926—2017) — амерыканскі кінаакцёр і спявак.
Нарадзіўся ў Вест-Ірвіне, штат Кентукі. Удзельнік Другой сусветнай вайны. Вучыўся ва Універсітэце Кентукі і Пасадэна Плэйхаус. Пачаў здымацца ў кіно з 1950-х гадоў, іграючы эпізадычныя ролі. У 1983 годзе выканаў галоўную ролю ў фільме «Парыж, Тэхас» рэжысёра Віма Вендэрса. Стэнтан сыграў у карцінах рэжысёраў Сэма Пекінпа, Джона Міліуса, Дэвіда Лінча, Монтэ Хелмана, Фрэнсіса Форда Копалы.