wd wp Пошук: ⬜

Ганна Боберг

Ганна Катарына Боберг (шведск.: Anna Boberg; 3 снежня 1864 — 27 студзеня 1935) — шведская мастачка. Была замужам за вядомым шведскім архітэктарам Фердынандам Бобергам.

Біяграфія

Ганна нарадзілася [3 снежня](/3_снежня "3 снежня") [1864](/1864 "1864") года, была шостым дзіцем з сямі ў сваёй сям’і. У дзяцінстве яна вывучала [французскую мову](/Французская_мова "Французская мова"), што спатрэбілася ёй, калі яна атрымлівала адукацыю ў [Акадэміі Жуліяна](/Акадэмія_Жуліяна "Акадэмія Жуліяна") ў [Парыжы](/Парыж "Парыж"), дзе вывучала жывапіс. Акрамя таго, у Парыжы яна сустрэла будучага архітэктара Фердынанда Боберга, які ў гэты ж час падарожнічаў па [Францыі](/Францыя "Францыя"). У 1888 годзе, нягледзячы на цяжкасці з фінансамі, маладыя людзі пажаніліся. Да гэтага часу Ганна падзарабляла, малюючы па заказах карціны і малюнкі.

У 1887 годзе Ганна Боберг сур’ёзна занялася творчасцю, карціны пісала акварэллю і алеем. У 1888 годзе адбылася яе першая выстава. У 1890-х гадах яна пісала карціны алеем на грубым палатне, гэтыя яе працы нагадвалі размаляваныя габелены і былі набытыя для ўпрыгожвання сцен у гатэлі Рыдберга.

На мяжы XIX і ХХ стагоддзяў Ганна шмат працавала ў галіне дэкаратыўна-прыкладнога мастацтва. Яе вядомыя вазы «Паўлін», (*Påfågelvasen*), якія былі створаны ў [1897](/1897 "1897") годзе, зрабілі сенсацыю.

У 1900 годзе на Сусветнай выставе ў Парыжы яе муж Фердынанд быў аўтарам шведскага павільёна, а Ганна стварыла для гэтага павільёна шматлікія працы з тэкстылю, якія былі вытканыя на фабрыцы Handarbetets vänner і К.

У 1901 годзе, падчас падарожжаў па паўночнай Швецыі і Нарвегіі з мужам, Ганна была зачараваная краявідамі і прыродай гэтых краін. У наступныя 33 гады яна малявала па сваіх ўспамінах зімовыя пейзажы гэтых паўночных мясцін.

У 1903 годзе карціны Ганны выстаўляліся ў Стакгольме, а ў 1905 годзе — у Парыжы. Апошняя яе выстава адбылася ў 1927 годзе.

Пасля 1915 года яе муж пакінуў кар’еру архітэктара і з Ганнай падарожнічаў па Швецыі. Падчас паездак Боберг рабіла шляхавыя нататкі, якія пасля выдала асобнай кнігай. У 1925 годзе сям’я пераехала са Швецыі ў Парыж, але ў сакавіку 1929 года муж і жонка вярнуліся ў Стакгольм, дзе пражывалі на віле Blecktornet.

У 1935 годзе Ганна Боберг памерла пасля аперацыі. На яе пахаванні прысутнічалі члены Шведскай каралеўскай сям’і: наследны прынц Густаў Адольф, прынцэса Інгрыд і прынц Бертыль.

Галерэя

Сярод рыбацкіх лодак у Свольваеры. Лафатэнскія астравы.
Горнае возера. Эцюд з Паўночнай Нарвегіі.
Арктычны вясновы дзень. Эцюд з Паўночнай Нарвегіі.
Паўночнае ззянне. Эцюд з Паўночнай Нарвегіі.
Елі перад гарамі. Эцюд з Паўночнай Нарвегіі.
Ля падножжа гары. Лафатэнскія астравы.
Ля возера Кома. Эцюд з Італіі.

Літаратура

Ann Thorson Walton: Ferdinand Boberg — Architect, MIT Press, 1994, ISBN 91-540-5573-3.

ISBN191-540-5573-3

Marianne Nyström: Bobergs. Anna Scholander och Ferdinand Boberg, Carlssons 1992, ISBN 91-7798-564-8.

ISBN191-7798-564-8 Зноскі

↑ http://www2.ub.gu.se/kvinndata/portaler/rostratt/pdf/rostrattsfragan.pdf
1 2 3 4 5 Gr. Thomieus Anna K Boberg (f. Scholander) — С. 104. Праверана 18 сакавіка 2017.
1 2 Anna Boberg // RKDartists Праверана 9 кастрычніка 2017.
↑ Boberg, ANNA KATARINA — Svenska gravar. Праверана 18 сакавіка 2017.
↑ Anna Katarina, f. 1864 i Östra Vingåker Södermanlands län // Swedish Census 1880 — Riksarkivet. Праверана 14 красавіка 2019.