Галоўная старонка

Альбе́рт Эйнштэ́йн (1879 — 1955) — нямецкі фізік-тэарэтык. Стваральнік тэорыі адноснасці (з якой шырока вядома эквівалентнасць масы і энергіі, E = mc²). Атрымаў у 1921 годзе Нобелеўскую прэмію па фізіцы «за заслугі ў тэарэтычнай фізіцы, і асабліва за адкрыццё закону фотаэлектрычнага эфекту».

Унёсак Эйнштэйна ў тэарэтычную фізіку ўключае спецыяльную тэорыю адноснасці, якая ўвязвае механіку і электрамагнетызм, і агульную тэорыю адноснасці, якая пашырыла прынцып адноснасці на неаднародны рух, стварыўшы тым самым новую тэорыю гравітацыі. (далей…)

Цёрн, сліва калючая (Prúnus spinósa) — невялікі калючы куст; від роду сліва (Prunus) сямейства Ружавыя (Rosaceae).

Распаўсюджаны па ўсёй Еўропе, у Заходняй Азіі і Паўночнай Афрыцы. Вельмі зменлівы і стварае гібрыды з іншымі слівамі. Мяркуецца, што сумесь гэтага віду з алычой (Prunus cerasifera) стала продкам дамашняй слівы (Prunus domestica). Цёрн — расліна, якая выкарыстоўваецца ў фітатэрапіі, мае ядомыя плады, адыгрывае важную ролю для навакольнага асяроддзя, выкарыстоўваецца таксама ў біятэхнічных пасадках. Гэта меданос і крыніца цвёрдай драўніны, якая, асабліва раней, мела разнастайныя прымяненні. Утварае густыя, калючыя зараснікі, якія з’яўляюцца сховішчам для многіх відаў жывёл. (далей…)

Актуальная тэма: Уварванне Расіі ва Украіну

• Польская тэнісістка Іга Свёнтак выйграла фінал Адкрытага чэмпіянату Францыі, атрымаўшы перамогу ў 35-й гульні запар. (4 чэрвеня)
• У Гродне распачаўся XIII Рэспубліканскі фестываль нацыянальных культур (на фота). (3 чэрвеня)
• Зборная Фінляндыі выйграла Чэмпіянат свету па хакеі з шайбай. (29 мая)

• Найвышэйшыя нерухомыя дзюны на Зямлі знаходзяцца ў пустыні Бадын-Джаран у Кітаі.
• Згодна легендзе, сталіца Кхмерскай імперыі была заснавана непадалёк возера на месцы, дзе спыніўся слон манарха.
• Княгіня Алогія, жонка Уладзіміра Святаславіча, мела асобны двор у Ноўгарадзе і дружыну, роўную княжацкай.
• З развіццём артылерыі на змену сярэднявечнай фартыфікацыі прыйшла бастыённая сістэма ўмацаванняў.
• Беларускіх літаратараў на чужыне па Другой сусветнай вайне задзіночыла аб’яднанне «Шыпшына».

Сусветны дзень барацьбы супраць дзіцячай працы

Расія: Дзень Расіі

Філіпіны: Дзень незалежнасці

• 1550: Па загадзе шведскага караля Густава I Вазы заснаваны горад Хельсінкі.
• 1812: Пачалася вайна Францыі з Расіяй (Вайна 1812 года).
• 1867: Утворана Аўстра-Венгрыя.
• 1955: У Якуціі адкрыта першае буйнае радовішча алмазаў.
• 1990: Прынята Дэкларацыя аб дзяржаўным суверэнітэце РСФСР.
• 1991: Барыс Ельцын абраны Прэзідэнтам Расіі. На референдуме жыхары Ленінграда прагаласавалі за вяртанне гораду назвы Санкт-Пецярбург.
• 1999: Увод сухапутных войскаў НАТА на тэрыторыю Сербіі.
• 2012: Катастрофа Су-25 пад Навагрудкам.
• 2016: Масавае забойства ў Арланда (ЗША).