Гало́вец — возера ў Полацкім раёне Віцебскай вобласці Беларусі, у басейне ракі Палата. Знаходзіцца за 26 км у напрамку на паўночны ўсход ад горада Полацк, за 2,5 км на паўночны ўсход ад вёскі Кулькі.
Плошча паверхні возера 0,3 (0,28[1]) км². Даўжыня 0,8 км, найбольшая шырыня 0,4 км. Даўжыня берагавой лініі 4,88 (4,9[1]) км. Берагі возера нізкія, месцамі забалочаныя[1]. У паўночнай частцы возера злучаецца пратокай з возерам Чарвятка. На поўдні выцякае ручай у раку Сосніца (прыток Палаты).
У возеры водзяцца шчупак, акунь, лешч, плотка, лінь і іншыя віды рыб[1].