Галакучнік[1] (Gymnocárpium) — род папараці сямейства Качадыжнікавыя (Cystopteridaceae) парадку Polypodiales. З дзевяці відаў тры растуць таксама і ў Еўропе.
Лацінская навуковая назва роду Gymnocárpium паходзіць ад грэч.: γυμνάς, што значыць «голы», «аголены», і грэч.: καρπος — «плод», што паказвае на адсутнасць пакрывальца ў сорусаў.
Галакучнікі — шматгадовыя расліны з доўгім, тонкім, паўзучай карэнішчам.
Фертыльныя і стэрыльныя ваі амаль аднолькавыя. Яны двойчыпёрыстыя, па меншай меры, ля аснавання, сегменты іх пёрыстараздзельныя. Ніжнія лісточкі больш, чым верхнія. Пёры па абрысе трохкутныя, шырыня пры аснаванні прыкладна роўная даўжыні.
Сорусы аддаленыя ад краю, маленькія, круглявыя, без індузіяў. Пакрывальцы адсутнічаюць.
Па інфармацыі базы дадзеных The Plant List (на ліпень 2016), род уключае 9 відаў[2]: