wd wp Пошук: ⬜

Габідэн Мустафін

Габідэн Муста́фін (каз.: Ғабиден Мұстафин; 29.11.1902 Сарцюбе Карагандзінскай вобл., Казахстан — 20.1.1985) — казахскі пісьменнік. Народны пісьменнік Казахстана (1984). Член-карэспандэнт АН Казахстана (1958).

Творчасць

Друкаваўся з 1927 года. Кніга апавяданняў і нарысаў «Ер Шойын» (1929), раманы «Шыганак» (1945), «Мільянер» (1948), «Пасля буры» (1959) пра сацыяльныя перамены ў жыцці казахскага народа ў 1920—30-я гады. Пачынальнік індустрыяльнай тэмы ў казахскай літаратуры: раманы «Жыццё або смерць» (1941), «Караганда» (1952) і інш., адметных сюжэтнай шматпланавасцю, псіхалагічнай глыбінёй. Аўтар аўгабіяграфічнага рамана «Сведка» (ч. І, 1963), кнігі нарысаў і артыкулаў «Напевы думкі» (1974).

Прэміі і ўзнагароды

Дзяржаўная прэмія Казахстана, 1980

Літаратура

Сахіеў Ж. Мустафін // Беларуская энцыклапедыя: У 18 т. / Рэдкал.: Г. П. Пашкоў і інш.. — Мн.: БелЭн, 2000. — Т. 11: Мугір — Паліклініка. — 560 с. — 10 000 экз. — ISBN 985-11-0188-5 (т. 11), ISBN 985-11-0035-8.