Вірус скручвання лісця бульбы[4] (англ.: Potato leafroll virus, PLRV) — хваробатворны вірус раслін(англ.) бел. роду Polerovirus і сямейства Luteoviridae.
Заражае бульбу і іншых прадстаўнікоў сямейства паслёнавыя (Solanaceae). PLRV быў упершыню апісаны ў 1916 годзе[5].
Сімптомы ўключаюць хлароз(руск.) бел., некроз(руск.) бел. і скручванне лісця. Лісце хворых раслін бледна-жоўтае, у некаторых сартоў светла-фіялетавае або чырванаватае[4]. Яно скручваецца па краях уздоўж сярэдняй жылкі, робіцца цвёрдае, скурыстае, іншы раз на ніжнім баку паяўляецца антацыянавая чырвона- або сіне-фіялетавая афарбоўка. У лісці назапашваецца крухмал. У некаторых сартоў адзначаецца ўнутраны сеткавы некроз клубняў[4].
Вірус перадаецца тлямі, у першую чаргу персікавай (Myzus persicae), а таксама такімі відамі, як звычайная бульбяная тля (Aulacorthum solani), вялікая бульбяная тля (Macrosiphum euphorbiae) і крушынавая тля (Aphis nasturtii)[4]. PLRV — адзін з найважнейшых вірусаў бульбы ва ўсім свеце, але асабліва разбуральны ў краінах з абмежаванымі рэсурсамі і кіраваннем. Ён можа несці адказнасць за страты ўраджайнасці асобных раслін звыш 50 %. Адна з ацэнак кажа, што PLRV нясе адказнасць за штогадовую страту ўраджаю ў 20 мільёнаў тон[6].