Вірус мазаікі люцэрны[4] (англ.: Alfalfa mosaic virus, AMV) — распаўсюджаны ва ўсім свеце фітапатаген, які можа прывесці да некрозу(руск.) бел. і жоўтай мазаікі на вялікай разнастайнасці відаў раслін, у тым ліку камерцыйна важных культур. Адзіны прадстаўнік роду Alfamovirus сямейства Bromoviridae . Быў апісаны ўпершыню на люцэрне (Medicago sativa) ў 1931 годзе. Перадача віруса адбываецца ў асноўным тлямі, насеннем ці пылком да насення[5] [6] .
Спектр гаспадароў віруса шырокі і ўключае харчовыя і пашавыя культуры (гарох, сачавіцу, бульбу, канюшыну і іншыя). Заражэнне AMV выклікае важныя страты ўраджаю, памяншае выжывальнасць узімку і палягчае заражэнне паражанай расліны іншымі хваробатворнымі мікраарганізмамі.