Вілма Глодэан Рудольф (англ.: Wilma Glodean Rudolph; 23 чэрвеня 1940, Сент-Бентлехем, Тэнесі, ЗША — 12 лістапада 1994, Брэнтвуд, Тэнесі, ЗША) — амерыканская лёгкаатлетка, трохразовая алімпійская чэмпіёнка 1960 года на дыстанцыях 100 і 200 метраў, а таксама ў эстафеце 4×100 метраў. Экс-рэкардсменка свету на дыстанцыях 100 і 200 метраў, а таксама ў эстафеце 4×100 метраў. За свае вытанчанасць і хуткасць атрымала ад прыхільнікаў цэлы шэраг мянушак: у Італіі яе звалі «Чорная газэль» (італ.: La Gazzella Negra), у Францыі — «Чорная перлінка» (фр.: La Perle Noire), у Амерыцы — «Тарнада».