Ві́ледзь, Ві́ляць (руск.: Ви́ледь[2], руск.: Ви́лять)[1] — рака ў Еўрапейскай частцы Расіі, у Архангельскай вобласці, левы прыток ракі Вычагда (басейн Паўночнай Дзвіны).
Даўжыня ракі 321 км. Плошча вадазбору 5610 км². Сярэдні расход вады каля вёскі Інаеўская складае 40,7[1] м³/с, аб’ём сцёку 1,28[1] км³/год. Выток ракі знаходзіцца ў забалочанай мясцовасці ва ўсходняй частцы Архангельскай вобласці. Упадае ў Вычагду за 48 км ад яе вусця[3], каля вёскі Баркі (Котласкі раён). Рака мае раўнінны характар. Жыўленне ракі пераважна снегавое. Суднаходная на асобных участках у ніжнім цячэнні.
Прытокі: Кумандыш, Бярозаўка, Вялікі Луч, Азёрніца, Кена, Калас, Вохта, Гарэлая, Нарчуг, Пыела, Васіна, Нырамка і інш.[3]
Каля ракі сёлы Ільінска-Подамскае, Нікольск, вёска Пенкіна і іншыя населеныя пункты.