Луіза Вікторыя Талстой (шведск.: Louise Viktoria Tolstoy; 29 ліпеня 1974, Сігтуна, Швецыя) — шведская джазавая спявачка, вядомая пад псеўданімам “Лэдзі-джаз”[1] таксама далёка за межамі сваёй краіны. Неаднаразова ўваходзіла ў лік самых папулярных джазавых выканаўцаў Скандынавіі.
Вікторыя правяла дзяцінства ў Сігтуне і Упсале. З’яўляецца дачкой музыканта і выкладчыка музыкі ў Упсальскім універсітэце Эрыка Чэльберга і прапраўнучкай рускага пісьменніка Льва Талстога па матчынай лініі[2]. Па яе ўласным прызнанні, рускай мовы не ведае і творы свайго прапрадзеда не чытала.
Спявачка дэбютавала ў 1994 годзе разам з альбомам “Smile, Love and Spice” у суаўтарстве са сваім бацькам. Пасля гэтага Талстой хутка стала папулярнай у Швецыі і атрымала запрашэнне супрацоўнічаць з амерыканскай джазавай студыяй Blue Note, дзе і запісала свой вядомы альбом “White Russian”. Далей Вікторыя супрацоўнічала ўжо з нямецкім лэйблам і выпусціла пяты па ліку альбом “Shining On You”[3].
У 2011 годзе выступіла ў Санкт-Пецярбургу.