Віктар Эльпідыфоравіч Барысаў-Мусатаў (2 (14) красавіка 1870 — 26 кастрычніка (8 лістапада) 1905) — рускі жывапісец. Член Саюза рускіх мастакоў. Выпрацаваў уласную маляўнічую манеру, якая спалучала прынцыпы пленэрнага жывапісу з дэкаратывізмам агульнага рашэння. Аўтар вытанчана-дэкаратыўных элегічных па настроі карцін, галоўным чынам на тэму гармоніі чалавека і прыроды («Майскія кветкі», «Агава», «Габелен», «Куст ляшчыны» і т. д.). Аказаў вялікі ўплыў на творчасць рускіх мастакоў пачатку XX ст.