У Вікіпедыі ёсць артыкулы пра іншых асоб з прозвішчам Гес.
Віктар Франц Гес (ням.: Victor Franz Hess; 24 чэрвеня 1883, замак Вальдштэйн, Аўстрыя - 17 снежня 1964, Нью-Ёрк, ЗША) — аўстра-амерыканскі фізік, лаўрэат Нобелеўскі прэміі па фізіцы (1936) за адкрыццё касмічных прамянёў (сумесна з Карлам Андэрсанам).
Выкладаў ва ўніверсітэтах Граца і Інсбрука, затым у 1938 годзе пераехаў у ЗША, каб пазбегнуць нацысцкіх пераследаў (яго жонка была яўрэйка) і ў тым жа годзе быў прызначаны прафесарам фізікі Фордэмскага Універсітэта. Пазней ён стаў натуралізаванным амерыканскім грамадзянінам. З дапамогай апаратуры, якая ўзнімалася на вышыню на аэрастатах, Гес сумесна з іншымі даказаў, што радыяцыя, якая іанізуе атмасферу, мае касмічнае паходжанне.